DÍGOCHO EU 2

Despois dun breve período de montaxe, xa está dispoñible no espazo do programa da CRTVG o vídeo co que os alumnos de galego do IES Bergidum Flavium participarán no concurso Premios Dígocho Eu 2023. A rapazada do centro explícanos no vídeo, falando un fermoso galego, palabras e frases feitas que compartimos bercianos e galegos. De certeza que a popularidade do vídeo, que xa se fixo viral nas redes sociais, axudará a que o fagan ben neste concurso, ademais de difundir e dar visibilidade a unha das linguas faladas en Cacabelos. Grazas á colaboración do espazo televisivo Dígocho Eu, por interesarse pola aprendizaxe da lingua galega na comarca, e á Moncloa de San Lázaro e a Biblioteca de Cacabelos, que colaboraron activamente para que esta experiencia fose inesquecible para o alumnado de galego.